სოფლებში ინტერნეტის შესაყვანად ევროკავშირი საქართველოს 34 მილიონი ევროთი დაეხმარება

0
314

ევროკავშირი და ევროპის საინვესტიციო ბანკი საქართველოს სოფლების ინტერნეტით დასაფარად 34 მილიონ ევროს გამოყოფს. ინვესტიციის განხორციელების შემდეგ, დაახლოებით 500 000 ადამიანი 1 000 სოფელში სწრაფი, საიმედო და ხელმისაწვდომი ინტერნეტით შეძლებს სარგებლობას.

ევროკავშირი იმედოვნებს, რომ ეს ასევე ხელს შეუწყობს ადგილობრივი ბიზნესის განვითარებას.

ინვესტიცია დააფინანსებს 5000 კმ ოპტიკურ-ბოჭკოვანი სატელეკომუნიკაციო ქსელის ინსტალაციას და უზრუნველყოფს ღია დაშვების ინფრასტრუქტურის დანერგვას საქართველოს საკომუნიკაციო ქსელის ოპერატორებისთვის მათ მიერ სწრაფი ინტერნეტის სერვისების უზრუნველსაყოფად.

ევროკავშირის ელჩის, კარლ ჰარცელის განცხადებით, ეს მნიშვნელოვანი წვლილია საქართველოს მოდერნიზაციის, ეკონომიკური განვითარებისა და აღდგენის საქმეში.

წინა სტატია53 გარდაცვლილი და 2 979 ახალი შემთხვევა – 17 დეკემბრის კოვიდსტატისტიკა
შემდეგი სტატია“ემპათიას”კონსილიუმის წევრები დასკვნის ერთ ნაწილს შაბათს გამოაქვეყნებენ
ტელეკომპანია ოდიშის საინფორმაციო სამსახური