დღეს, 17 დეკემბერს, ზუგდიდის საკრებულოს სხდომა შედგა, თუმცა ის მალევე დატოვეს ენმ-ს ფრაქციის წევრებმა. როგორც ხათუნა შამუგიამ განაცხადა, ისინი მხოლოდ იმისთვის გამოცხადდნენ სხდომაზე, რათა ადგილმონაცვლე დეპუტატების უფლებამოსილების ცნობაში მიეღოთ მონაწილეობა.
იმის მიუხედავად, რომ ენმ არ ესწრება სხდომას, კვორუმი არის – მას ესწრებიან “ქართული ოცნებისა” და “საქართველოსთვის” წარმომადგენლები. ფრაქციამ “ზუგდიდი-საქართველოსთვის” საკრებულოს თავმჯდომარის კანდიდატად წამოაყენა ფრაქციის თავმჯდომარის გიგა ფარულავა.
ფრაქცია “ქართული ოცნების” თავმჯდომარემ განაცხადა, რომ დღევანდელ სხდომაზე ისინი კანდიდატურას არ აყენებენ და არც კენჭისყრაში მიიღებენ მონაწილეობას.
საკრებულოს სხდომა ისევ გადაიდო, საკრებულოს თავმჯდომარე ისევ ვერ აირჩიეს.