რატი ბრეგაძემ პარლამენტში მინისტრის საათის დროს ილაპარაკა მიხეილ სააკაშვილის რუსთავის ციხიდან გლდანში გადაყვანის ანუ ოპოზიციის თქმით გატაცების შესახებ.
,,როგორ შეიძლება ადამიანი იყოს გატაცებული ერთი პენიტენციური დაწესებულებიდან, მეორე პენიტენციურ დაწესებულებაში? ეს არის სრული აბსურდი, ეს იყო ღონისძიება, რომელიც მიზნად ისახავდა მისი ჯანმრთელობის და ინტერესების დაცვას, როდესაც პატიმარმა უარი განაცხადა მკურნალობის გარკვეული ნაწილის გაგრძელებაზე, შემდგომში, ასევე სამედიცინო კონსილიუმთან თანამშრომლობაზე, რაც დოკუმენტირებულია, გამოქვეყნებული იყო ექიმების დასკვნაც, რომ ის საჭიროებდა მკურნალობას.
მოგეხსენებათ, როცა ადამიანი შიმშილობის მისი ჯანმრთელობის მდგომარეობის რისკი არის ძალიან მაღალი. ჩვენ რა უნდა გვექნა? უნდა გვეზრუნა მის ჯანმრთელობაზე და სწორედ ამ მიზნით იგი იქნა გადაყვანილი მე-12 დან მე-18 დაწესებულებაში.” – თქვა მინისტრმა.