იუსტიციის მინისტრმა რატი ბრეგაძემ დღეს პარლამენტში განაცხადა, რომ მედიკოსების შესაბამისი დასკვნას მიღების შემთხვევაში საქართველოს მესამე პრეზიდენტს რუსთავის მე-12-ე სასჯელაღსრულების დაწესებულებაში გადაიყვანენ.

,,როგორც კი გვექნება შესაბამისი სამედიცინო დასკვნა და  სამედიცინო პერსონალის თანხმობა, მიხეილ სააკაშვილი გადაყვანილი იქნება სპეციალური პენიტენციური დაწესებულების N 12-ე დაწესებულებაში, რუსთავში, სადაც თავიდან იყო შესახლებული  

კანონის წინაშე თანასწორობა პენიტენციურ სისტემაში ნიშნავს იმას, რომ აბსოლუტურად ყველა პატიმრის უფლება შესაბამისად დაცულია. თუკი რაიმე დარღვევას ექნება ადგილი, არ აქვს მნიშვნელობა მის სტატუსს, ყოფილ სტატუსს ვგულისხმობ, არსებობს შესაბამისი სამართლებრივი რეაგირების მექანიზმები.” –  განაცხადა რატი ბრეგაძემ.