ხაზარაძე-ჯაფარიძე-წერეთლის სასამართლო გადაიდო. პროცესი მომდევნო წელს, 11 იანვარს, 11 საათზე გაგრძელდება.
პროცესის გადადება პროკურატურამ მოითხოვა რეპლიკების მოსამზადებლად. ვინაიდან დაცვის მხარემ წარმოთქვა 20 გვერდიანი დასკვნითი სიტყვა,პროკურორს ჭირდება დრო დამატებითი არგუმენტების წარმოდგენისთვის.
შუამდგომლობას არ დაეთანხმა დაცვის მხარე - “პროკურატურა თავქუდმოგლეჯილი ჩქარობდა ამ საქმის დასრულებას, ახლა კი დროს წელავს” – განაცხადა ადვოკატმა ზვიად კორძაძემ.
მოსამართლე გიორგი არევაძის განმარტებით კი, იმ შემთხვევაში, თუ სხდომას რამდენიმე დღით გადადებს, განაჩენის გამოცხადება სადღესასწაულო დღეებს დაემთხვევა.