პრეზიდენტი სააკაშვილი თავდაცვის სამინისტროს სთხოვს, გორის სამხედრო ჰოსპიტალში ჟურნალისტები შეუშვან, რათა საზოგადოება დარწმუნდეს, რომ მისი მდგომარეობა ნამდვილად მძიმეა.
ამასთან დაკავშირებით განცხადება მისმა ადვოკატმა, შოთა თუთბერიძემ გააკეთა:
“დღეს მიხეილ სააკაშვილი მზად არის, ნებისმიერ დროს, ნებისმიერი რაოდენობის ჟურნალისტები საჯაროდ, კამერების თანდასწრებით მიიღოს, უმასპინძლოს საკუთარ პალატაში, რათა ყველანაირი ეჭვი მის ჯანმრთელობის მდგომარეობასთან დაკავშირებით და იმასთან დაკავშირებით, რომ რაღაც მისტიკურ ინსიმულაციებს აქვს ადგილი, გაქრეს და საზოგადოებამ საჯაროდ იხილოს მისი მდგომარეობა” – აღნიშნა ადვოკატმა.