საქართველოს პრეზიდენტმა სალომე ზურაბიშვილმა, ეროვნული თანხმობის პროცესზე საკუთარ ინიციატივასთან დაკავშირებით პატრიარქს კურთხევა სთხოვა. პრეზიდენტი ილია მეორეს დღეს შეხვდა.
“საქართველოს პრეზიდენტი სალომე ზურაბიშვილი დღეს სრულიად საქართველოს კათოლიკოს პატრიარქს, უწმინდესსა და უნეტარეს ილია მეორეს შეხვდა.
საქართველოს საპატრიარქოში გამართულ პირისპირ შეხვედრაზე საქართველოს პრეზიდენტმა პატრიარქს ეროვნული თანხმობის პროცესის დაწყების შესახებ საკუთარი ინიციატივა გააცნო, რაზედაც პატრიარქს კურთხევა სთხოვა”, – წერია პრეზიდენტის ადმინისტრაციის განცხადებაში.