ირაკლი კობახიძე: ჩვენი დამოკიდებულება ძალიან კონსტრუქციულია, მაგრამ ჩვენი მკაფიო პოზიციაა 2024 წლამდე არავითარ რიგგარეშე არჩევნებზე არ შეიძლება იყოს საუბარი ”

0
203
,,ჩვენი დამოკიდებულება არის ძალიან კონსტრუქციული. ჩვენ სუბიექტურადაც ვართ დაინტერესებული, რომ ვითარება ქვეყანაში იყოს უკეთესი და პოლიტიკურ სისტემაში იყოს უკეთესი მოცემულობა. – .ამბობს ქართული ოცნების თავმჯდომარე, ირაკლი კობახიძე საპარლამენტო ოპოზიციის წარმომადგენლებთან არაფორმალური შეხვედრის დასრულების შემდეგ. შეხვედრას ასევე ესწრებოდა მამუკა მდინარაძე. 

ეს არის ობიექტური და სუბიექტური ინტერესი. ამისათვის ჩვენ, რა თქმა უნდა, ყველაფერს გავაკეთებთ, მათ შორის, თუ იქნება საჭირო კონსულტაციები სხვადასხვა თემასთან, კანონპროექტებთან დაკავშირებით. მათ შორის, საკონსტიტუციო ცვლილებებთან დაკავშირებით, ბუნებრივია, აქაც ნებისმიერ დროს მზად ვართ შეხვედრისთვის, კონსულტაციებისთვის. ეს არის ჩვენი კონსტრუქციული დამოკიდებულება და ასეთივე დამოკიდებულება არის მნიშვნელოვანი ოპოზიციის მხრიდან. ოპოზიციის დამოკიდებულებაზე და ქმედებებზე იქნება ბევრი რამ დამოკიდებული.”

ბევრ რამეზე იქნება დამოკიდებული ის, თუ რამდენად გაგრძელდება საკონსტიტუციო ცვლილებების განხილვა და რა შედეგით დასრულდება საკონსტიტუციო ცვლილებების განხილვა. ბევრ რამეზე იქნება დამოკიდებული, მათ შორის, პირველ რიგში, რა თქმა უნდა, ოპოზიციის მოქმედებებზე. 

ყველა თემასთან დაკავშირებით ვიმსჯელებთ და ყველა თემა არის ღია. ღია გულისხმობს, მათ შორის, იმას, რომ არაფერთან დაკავშირებით გადაწყვეტილება მიღებული არ არის. ჩვენ გვჭირდება საპარლამენტო უმრავლესობასთან კონსულტაციები, მათ შორის, ბარიერის სიმაღლესთან დაკავშირებით, თუ რამდენჯერ უნდა მოქმედებდეს შესაძლო უფრო დაბალი ბარიერი და ა.შ. ერთადერთი თემა, რასთან დაკავშირებითაც, ბუნებრივია, ჩვენ გვაქვს მეტნაკლებად მკაფიო პოზიცია ჩამოყალიბებული, ეს არის ის, რომ 2024 წლამდე არავითარ რიგგარეშე არჩევნებზე არ შეიძლება იყოს საუბარი. ” აცხადებს კობახიძე 

წინა სტატიადროა, კბილები გამოვაჩინოთ და მჩაგვრელებს მათთვის გასაგებ, მკაცრი სანქციების ენაზე ვესაუბროთ” – ვიოლა ფონ კრამონი
შემდეგი სტატიაკელი დეგნანი: პოლიტიკური ჩარევისა და დევნის შესახებ შთაბეჭდილების არსებობაც კი ძირს უთხრის მართლმსაჯულებისადმი ნდობას
ტელეკომპანია ოდიშის საინფორმაციო სამსახური