გუშინ, 14 დეკემბერს დღევანდელი სამიტის წინ ბრიუსელში სომხეთის პრემიერმინისტრის, აზერბაიჯანის და ევროპული საბჭოს პრეზიდენტების სამმხრივი შეხვედრა გაიმართა. მედიის ინფორმაციით, მანამდე შარლ მიშელი ილჰამ ალიევსა და ნიკოლ ფაშინიანს ცალკ-ცალკე შეხვდა.
ფაშინიანმა და მიშელმა შეხვედრაზე დიალოგის მნიშვნელობაზე ისაუბრეს და იმედი გამოთქვეს, რომ მოლაპარაკებები შედეგიანი იქნება, რაც ხელს შეუწყობს სტაბილურობას და პრობლემების ყოველმხრივ დარეგულირებას.
აზერბაიჯანული მხარის ინფორმაციით, ალიევმა და მიშელმა განიხილეს სომხურ-აზერბაიჯანული ურთიერთობები, საზღვრის დელიმიტაცია-დემარკაციის საკითხი და ჰუმანიტარული სფეროები. გარდა ამისა, ისაუბრეს იმ დახმარებაზე, რომლის გაწევაც ევროსაბჭოს შეუძლია ერევანსა და ბაქოს შორის ურთირეთობის ნორმალიზაციისთვის.
ალიევი და ფაშინიანი მონაწილეობას მიიღებენ აღმოსავლეთ პარტნიორობის მეექვე სამიტში, რომელიც დღეს, 15 დეკემბერს გაიმართება