ფლანგვის დეტექტორი: გუბერნატორების ადმინისტრაციების შენახვა ბოლო 8 წელს 59 მლნ დაგვიჯდა

0
182

ფლანგვის დეტექტორის ინფორმაციით, გუბერნატორების ადმინისტრაციების შენახვაში 2014-2022 წლებში 59 მილიონი დაიხარჯა, თანხის 69%   41 მილიონი ხელფასებში დაიხარჯა. აღსანიშნავია, რომ 2014 წელს გუბერნატორების ადმინისტრაციებში დასაქმებულთა რაოდენობა თითქმის განახევრდა, თუმცა დაფინანსება, პირიქით, გაიზარდა.გაორმაგდა გუბერნატორების ხელფასებიც და 5 900 ლარი გახდა.

“საქართველოს 9 რეგიონში 9 გუბერნატორის ადმინისტრაცია ფუნქციონირებს. საქართველოს მთავრობის დადგენილების თანახმად რწმუნებულ-გუბერნატორები საქართველოს ადმინისტრაციულ-ტერიტორიული ერთეულების ტერიტორიაზე საქართველოს მთავრობის წარმომადგენლები არიან, რომელთაც თანამდებობაზე ნიშნავს და თანამდებობიდან ათავისუფლებს საქართველოს მთავრობა.

დღემდე დამკვიდრებული პრაქტიკით, რწმუნებულ-გუბერნატორის ინსტიტუტი ცენტრალური ხელისუფლების მხრიდან ადგილობრივ მთავრობებზე ზეწოლის ბერკეტია. გუბერნატორის ადმინისტრაციები მუნიციპალიტეტების არჩეული მერების საქმიანობაში ჩარევას ცდილობენ”, – წერია ორგანიზაციის ინფორმაციაში.

წინა სტატიასკოლის მოსწავლეები საახალწლოდ 30 დეკემბრიდან 17 იანვრამდე დაისვენებენ
შემდეგი სტატიაომბუდსმენის მიერ შექმნილი ექიმთა კონსილიუმის დასკვნა დღეს გასაჯაროვდება 
ტელეკომპანია ოდიშის საინფორმაციო სამსახური