დღეს ცენტრი “ემპათიას” დასკვნა გამოქვეყნდება. უკვე ცნობილია, რომ მასში მიხეილ სააკაშვილის ფარმაკოლოგიურ წამებასა და არაადამიანურ მოპყრობაზე იქნება საუბარი.
დასკვნის გამოქვეყნებამდე “ემპათიას” ხელმძღვანელმა მარიამ ჯიშკარიანმა იმ პრეპარატის სახელწოდება გაასაჯაროვა, რომელსაც “ქართული ოცნების” ხელისუფლება დიდი ალბათობით, მიხეილ სააკაშვილის ფარმაკოლოგიური წამებისთვის იყენებდა.
პენიტენციური სისტემის დავალებით ექიმები სააკაშვილს ძლიერ ანტიფსიქოზურ მედიკამენტს “კეტილეპტს” დასმული დიაგნოზის შეუსაბამოდ აძლევდნენ და არწმუნებდნენ, რომ ის უძილობის სამკურნალოდ იყო აუცილებელი.
სწორედ ამ ყველაფრის გათვალისწინებით მარიამ ჯიშკარიანი აცხადებს, რომ მესამე პრეზიდენტი აუცილებლად საჭიროებს საზღვარგარეთ, სრულფასოვან მკურნალობას, წინააღმდეგ შემთხვევაში კი ამბობს, რომ შესაძლოა, მიხეილ სააკაშვილის ჯანმრთელობის მდგომარეობა დამძიმდეს.