41 მახათი შოთაძეს! – აქცია ამ სახელწოდებით გენერალურ პროკურატურასთან დღეს, 3 საათზე დაიწყება. ორგანიზატორი სამოქალაქო სექტორია, რომელიც მესამე პრეზიდენტის გათავისუფლების იდეის გარშემო გაერთიანდა.
ახალგაზრდები შოთაძეს იმ რეაგირებებს შეახსენებენ, რომლებიც აუცილებელი იყო, თუმცა პროკურატურას არ ჰქონია.
“ჩვენ ვითხოვთ მესამე პრეზიდენტის გათავისუფლებას, იმიტომ, რომ ვთვლით, რომ ის არის უკანონო პატიმარი, პირდაპირ ბიძინა ივანიშვილის პატიმარია. ასევე იქნება პერფორმანსი, სადაც ბატონ შოთაძეს მივუტანთ 41 მახათს, ეს სიმბოლურია ამ პროკურატურისთვის, რომელიც რეალურად უნდა იძიებდეს საქმეებს, არ უნდა იყოს პოლიტიზირებული და იდგეს ხალხის სამსახურში”, – თქვა “ახალგაზრდები ევროპული მომავლისთვის” ხელმძღვანელმა, მანანა ანდღულაძემ.
ცნობისთვის, მიხეილ სააკაშვილის გათავისუფლების მოთხოვნით “ნაციონალური მოძრაობა” აქციას 21 დეკემბერს გამართავს.