ვლადიმირ ზელენსკის განცხადებით, რუსეთმა აშშ დაარწმუნა, რომ უკრაინის ტერიტორიებზე ესკალაციას აღარ გააგრძელებს

0
248

უკრაინის პრეზიდენტის, ვლადიმირ ზელენსკის განცხადებით, რუსეთმა აშშ დაარწმუნა, რომ უკრაინის ტერიტორიებზე ესკალაციას აღარ გააგრძელებს.

როგორც ვლადიმირ ზელენსკიმ უკრაინულ ტელეკომპანია „1+1“-თან ინტერვიუში განაცხადა, ამის შესახებ მას აშშ-ის პრეზიდენტმა, ჯო ბაიდენმა უთხრა.

„გზავნილი, რომელიც აშშ-ის პრეზიდენტისგან მივიღე, არის ის, რომ რუსეთმა დაარწმუნა აშშ და მთელი მსოფლიო, რომ არ აპირებს ჩვენი დამოუკიდებელი სახელმწიფოს ტერიტორიებზე ესკალაციას. ვფიქრობ, ეს შესალოა, მცირე და არასაბოლოო, თუმცა მაინც ძალიან მნიშვნელოვანი შედეგია”, – განაცხადა ზელენსკიმ.

ამასთან, უკრაინის პრეზიდენტის თქმით, მასსა და ბაიდენს შორის მოლაპარაკებებისას საუბარი კომპრომისებზე არ ყოფილა.

„არანაირ კომპრომისებზე არ გვისაუბრია. ჩვენ ვისაუბრეთ იმაზე, რომ აშშ-ის დახმარებით, ჩვენ შეიძლება რუსეთთან მოლაპარაკებებისთვის კიდევ ერთი პლატფორმა გაგვიჩნდეს”, – აღნიშნა ვლადიმირ ზელენსკიმ.

შეგახსენებთ, უკრაინისა და აშშ-ის პრეზიდენტებს შორის სატელეფონო საუბარი 9 დეკემბერს შედგა.

წინა სტატიაათენში ქართველი “კანონიერი ქურდი” დააკავეს
შემდეგი სტატიასამეგრელოს შესახებ გადაღებული ვიდეო მსოფლიო ტურიზმის ორგანიზაციის კონკურსის გამარჯვებულებს შორის მოხვდა
ტელეკომპანია ოდიშის საინფორმაციო სამსახური