ყველა ერს აქვს უფლება აირჩიოს საკუთარი გზა — სტოლტენბერგი რუსეთის საგარეოს განცხადებაზე

0
226

ყველა ერს აქვს უფლება აირჩიოს საკუთარი გზა … მათ შორის, თუ რა სახის უსაფრთხოების შეთანხმებების ნაწილი იყოს. ეს არის ფუნდამენტური პრინციპი” – ასე უპასუხა NATO-ს გენერალურმა მდივანმა იენს სტოლტენბერგმა რუსეთის საგარეო უწყების მიერ 10 დეკემბერს გაკეთებულ განცხადებას,  რომლის თანახმად რუსეთი “აუცილებლად მიიჩნევს NATO-ს 2008 წლის ბუქარესტის სამიტის გადაწყვეტილების — რომ საქართველო და უკრაინა NATO-ს წევრები გახდებიან, გაუქმებას”

რუსეთის საგარეო საქმეთა სამინისტრო მოითხოვს გაუქმდეს 2008 წლის ბუქარესტის სამიტის გადაწყვეტილება, რომლის მიხედვითაც საქართველო და უკრაინა ნატოში უნდა გაწევრიანდნენ. სერგეი ლავროვის უწყებამ “რუსეთის უსაფრთხოების დაცვის” მოტივით მოთხოვნებით სავსე განცხადება გამოაქვეყნა, რომელშიც დასავლეთი, ყველაზე მეტად კი აშშ და NATO-ს წევრი ქვეყნების არის გაკრიტიკებული.

სტოლტენბერგის განცხადებით, ალიანსის პოზიცია უცვლელი რჩება და NATO-ს ურთიერთობას უკრაინასთან გადაწყვეტს NATO-ს 30 მოკავშირე და უკრაინა, სხვა არავინ.

,,ჩვენთვის მიუღებელია, რომ რუსეთი ცდილობს აღადგინოს სისტემა, სადაც დიდ ძალებს აქვთ გავლენის სფეროები, სადაც მათ შეუძლიათ გააკონტროლონ და გადაწყვიტონ, რას გააკეთებენ სხვა წევრები”, — განუცხადა სტოლტენბერგმა ჟურნალისტებს ბრიუსელში 10 დეკემბერს გვიან ღამით.

წინა სტატიასამეგრელოს შესახებ გადაღებული ვიდეო მსოფლიო ტურიზმის ორგანიზაციის კონკურსის გამარჯვებულებს შორის მოხვდა
შემდეგი სტატიაარ ვიცი, რამდენად გულწრფელია სალომე ზურაბიშვილის სიტყვები შერიგებასა და კონსოლიდაციაზე
ტელეკომპანია ოდიშის საინფორმაციო სამსახური