საბერძნეთში 37 წლის ქართველი “კანონიერი ქურდი” დააკავეს – ინფორმაციას ამის შესახებ ადგილობრივი მედია ავრცელებს.
მედიის ცნობით, დაკავებული ქართული მაფიის ერთ-ერთი ლიდერი ლევან ხავთასია. მას კრიმინალურ სამყაროში “ლაზარეს” სახელით იცნობენ.
ხავთასის წინააღმდეგ ორი გამამტყუნებელი განაჩენია გამოტანილი. საბერძნეთის საგამოძიებო უწყება მას ქურდობებსა და ყაჩაღობებს ედავება. სამართალდამცველებმა მისი დაკავება რამდენიმეკვირიანი გამოძიების შედეგად მოახერხა.
პოლიციის ცნობით, ქართველი “კანონიერი ქურდი” ყალბი დოკუმენტებით გადაადგილდებოდა, რომელიც მას საქართველოდან ჰქონდა მოპოვებული და რის გამოც მისი ვინაობის დადგენა ვერ ვერ ხდებოდა.
ბერძნული გამოცემის ინფორმაციით, ბაზაში იყო მისი თითის ანაბეჭდები, რადგან ის იდენტიფიცირებული იყო 2011 წელს ათენში, პირეოსში, ქალკიდასა და ლუტრაკის რეგიონებში მომხდარ ქურდობასა და ძარცვაში. ის, ასევე, განიხილებოდა ე.წ. ბანდის ლიდერად.
2016 წელს ქართველი “კანონიერი ქურდი” საბერძნეთში ძარცვისა და ორგანიზებული დანაშაულის ბრალდებით გაასამართლეს და პატიმრობა დაუსწრებლად მიუსაჯეს.