ძალიან სუსტადაა, მკვეთრი ნევროლოგიური დეფიციტი რჩება – ექიმები მიხეილ სააკაშვილზე

0
204

საქართველოს მესამე პრეზიდენტს კვლავ ზოგადი სისუსტე და დაღლილობა აღენიშნება, მისი მდგომარეობა გაუმჯობესებული არაა. ამის შესახებ მისმა მკურნალმა ექიმმა, ნიკოლოზ ყიფშიძემ გუშინ საღამოს გორის ჰოსპიტალიდან გამოსვლის შემდეგ განაცხადა.

“პრეზიდენტი ძალიან სუსტადაა, მე ვიტყოდი, რომ უფრო სუსტად მომეჩვენა, ვიდრე 2 დღის წინ, როცა ვიყავი ბოლოს. უკეთესად არ არის, ასე რომ, მოველით, რომ ეს კომისია, რომელიც შექმნა სახალხო დამცველმა, გასცემს პასუხს ბევრ კითხვას. კიდევ შეინიშნება ნევროვროლოგიური დეფიციტი”, – თქვა ნიკოლოზ ყიფშიძემ.

საქართველოს მესამე პრეზიდენტი, ალტერნატიული კონსილიუმის წევრმა ოთარ თოიძემაც მოინახულა. მისი თქმით, მიხეილ სააკაშვილს კოორდინაციის პრობლემა აქვს, უჭირს სწორ ხაზზე სიარული და სხვადასხვა პათოლოგიური ნიშნები აქვს.

წინა სტატია“აქ ისტორია გადაწერეს” – წარწერა განათლების სამინისტროსთან
შემდეგი სტატია49 გარდაცვლილი და 3 454 ახალი შემთხვევა – 10 დეკემბრის კოვიდსტატისტიკა
ტელეკომპანია ოდიშის საინფორმაციო სამსახური