,,ვაშინგტონს აწუხებს რომ საქართველოს მთავრობის მოქმედებებმა დააზიანა ქვეყანაში მიმდინარე ზოგიერთი დემოკრატიულ პროცესი.”-განაცხადა აშშ-ის სახელმწიფო მდივნის თანაშემწის მოადგილემ ევროპისა და ევრაზიის საკითხებში, ერიკა ოლსონმა.
ამის თაობაზე ოლსონმა გამოცემა „ფორინ პოლისისა“ და „ამერიკა-საქართველოს ეკონომიკური თანამშრომლობის ფონდის“ მიერ ორგანიზებული ონლაინ დისკუსიისას განაცხადა, საქართველოში დემოკრატიისა და კანონის უზენაესობის საკითხზე საუბრისას.
„ამერიკის ხმის“ თანახმად, დიპლომატმა განაცხადა, რომ ნოემბერში საქართველოში ვიზიტმა მას კიდევ ერთხელ შეახსენა ქართველ ხალხსა და ამერიკას შორის მტკიცეა მეგობრობის შესახებ, თუმცა ასევე წარმოაჩინა დემოკრატიული საქმიანობის გაგრძელების საჭიროება, რაშიც სასამართლო და საარჩევნო რეფორმები და კანონის უზენაესობა შედის.
ამასთან, ოლსონმა საქართველოს მმართველ პარტიასა და ოპოზიციას შორის 19 აპრილს ხელმოწერილ შეთანხმებაზე საუბრისას დასძინა, რომ შეერთებულ შტატებს სურს საქართველოს დაეხმაროს როგორც პარტნიორი იმ რეფორმების განხორციელებაში, რომლებიც ქვეყნის მომავლისთვის თავადაც მნიშვნელოვანად მიიჩნიეს.
„ჩვენ გავაგრძელებთ საქართველოს ევრო-ატლანტიკური მისწრაფებების მტკიცე მხარდაჭერას და როგორც ახლო პარტნიორებს, გვსურს საქართველოს დავეხმაროთ იმ სასამართლო და საარჩევნო რეფორმების განხორციელებაში, რომლებზეც თავად გადაწყვიტეს, რომ ისინი ქვეყნის მომავლისთვის მნიშვნელოვანი იქნებოდა. ჩვენ გვაწუხებს ის, რომ მთავრობის მოქმედებებმა ძირი გამოუთხარა ზოგიერთ ამ პროცესს. მმართველმა პარტიამ პირობა დადო, რომ საარჩევნო და სასამართლო რეფორმებს განახორციელებდა. ჩვენ ძალიან გვსურს ვიხილოთ ამ პირობების შესრულების მიმართულებით გადადგმული ნაბიჯები“ – განაცხადა ერიკა ოლსონმა.
“თანაშემწის მოადგილე რა უბედურებაა” – ასე გამოეხმაურა კახი კალაძე ერიკა ოლსონის კრიტიკულ გზავნილს. კერძოდ ჟურნალისტის კითხვის საპასუხოდ თქვა, რომ არ იცის, ვინაა ერიკა ოლსონი.და ყურადღება ოლსონის რეგალიაზე გაამახვილა.
თანაშემწე და იმის მოადგილე კიდევ? ვაა… არ ვიცოდი. საერთოდ არ ვიცი, რაზე საუბრობთ“, – თქვა კალაძემ.