ნოემბერში სოციალური შემწეობა 637 747 ადამიანმა მიიღო, აქედან სამეგრელო-ზემო სვანეთში — 75 218 ადამიანმა

0
139

რამდენიმე კვირის წინ პრემიერმინისტრმა, ირაკლი ღარიბაშვილმა განაცხადა, რომ არსებული სოციალური პოლიტიკის ფარგლებში მოქალაქეები “უმუშევრობას, უმოქმედობას და სიღარიბეს” შეაჩვიეს და შრომისუნარიანი სოციალურად დაუცველი ადამიანების დასაქმების ინიციატივით გამოვიდა, თუმცა ნოემბერში არა დასაქმების, არამედ დახმარების მიმღებთა მაჩვენებელი გაიზარდა 

 გასულ თვეს სოციალური შემწეობა 637 747 ადამიანმა მიიღო, რაც საქართველოსთვის რეკორდულად მაღალი მაჩვენებელია.

სოციალური მომსახურების სააგენტოს ინფორმაციით, სოციალურ დახმარებას საქართველოს მოსახლეობის 17,1% იღებს.

სოციალური შემწეობის მიმღებთა რაოდენობა ბოლო ერთ წელში 24%-ით, ანუ 122 047 ადამიანით არის გაზრდილი. 

რეგიონების მიხედვით შემწეობის მიმღებთა რაოდენობა ასე ნაწილდება:

თბილისი — 129 716 ადამიანი;  იმერეთი — 82 886 ადამიანი; ქვემო ქართლი — 76 610 ადამიანი; სამეგრელო-ზემო სვანეთი — 75 218 ადამიანი; აჭარის ავტონომიური რესპუბლიკა — 69 953 ადამიანი; კახეთი — 65 618 ადამიანი; შიდა ქართლი — 57 954 ადამიანი; გურია — 27 387 ადამიანი; სამცხე-ჯავახეთი — 19 180 ადამიანი; მცხეთა-მთიანეთი — 18 641 ადამიანი; რაჭა-ლეჩხუმი და ქვემო სვანეთი — 14 584 ადამიანი.

წინა სტატიამოსამართლემ მიხეილ სააკაშვილს სატელეფონო ზარების განხორციელების უფლება კვლავ არ აღუდგინა
შემდეგი სტატიანოდარ მელაძე: ჟურნალისტების წინააღმდეგ ფრონტის რამდენიმე ხაზია გახსნილი
ტელეკომპანია ოდიშის საინფორმაციო სამსახური