“ასეთი ჩემი შვილი მე არ მახსოვს” – ამის შესახებ საქართველოს ყოფილი პრეზიდენტის მიხეილ სააკაშვილის დედამ, გიული ალასანიამ გორის სამხედრო ჰოსპიტლიდან გამოსვლის შემდეგ ჟურნალისტებთან თქვა.
ალასანიას თქმით, სააკაშვილს სათანადო რეაბილიტაცია ესაჭიროება და შესაძლოა ექიმები ამას გამოუცდელობის გამო ვერ უზრუნველყოფენ.
,,ნამდვილად არ არის კარგად, ღონე არ აქვს აშკარად, იმიტომ, რომ ჩემი შვილი ასეთი არ მახსოვს, სულ მოძრაობაში იყო და რა გააჩერებდა, ახლა რაღაც სულ ლოგინისკენ უჭირავს თვალი.
ვხედავ, რომ სჭირდება სერიოზული რეაბილიტაცია, შეიძლება არ ჰყოფნით ამ ექიმებს ამისი გამოცდილება, არ ვიცი, რამდენი ჰქონიათ 50-დღიანი შიმშილობის შემთხვევა, როგორ მკურნალობენ აქ, მე ვერ შევაფასებ, ერთადერთი შემიძლია იმის მიხედვით ვიმსჯელო, რასაც ვხედავ და რასაც ვხედავ, არ მომწონს. მე რომ მკითხოთ, გადაყვანა თუ იქნება, მხოლოდ უნდა იყოს სადმე ნორმალურ კლინიკაში’– თქვა გიული ალასანიამ.