დღეს, 9 დეკემბერს ლექსო ლაშქარავას სახელობის პრემიით დაჯილდოების ცერემონიალი გაიმართა
პრემია “ადამიანის უფლებათა სახლმა” დააფუძნა და მას 5 ივლისს ჟურნალისტებზე განხორციელებული ძალადობიდან რამდენიმე დღეში გარდაცვლილი “TV პირველის” ოპერატორის სახელი “ლექსოს პრემია” უწოდა.
პირველი გამარჯვებულებიც გამოვლინდნენ, პრემიები გადაეცა:
- საუკეთესო ვიდეო რეპორტაჟისთვის: რადიო თავისუფლების ჟურნალისტებს თორნიკე მანდარიას და დათო ქორიძეს (“თბილისის პრაიდის” კვირეულზე მომზადებული ფილმი);
- საუკეთესო უფლებადაცვითი სტატისთვის: ტელეკომპანია “ბორჯომზე” გამოქვეყნებული სტატიისთვის ნინო ვართაპეტიანს (ბავშვთა ფსიქიკურ ჯანმრთელობაზე).
აღსანიშვია, რომ თორნიკე მანდარიას და დათო ქორიძეს 5 ივლისს ფიზიკურად გაუსწორდნენ. სიძულვილის ჯგუფებმა თბილისის ცენტრში, მრგვალ ბაღღან იძალადეს. მანდარიაზე ძალადობის ბრალდებით ერთი პირია დაკავებული, ქორიძეზე ძალადობისთვის არავინ დაუკავებიათ. რადიო თავისუფლების გადამღებ ჯგუფს თავს მაშინ დაესხნენ, როცა ისინი “ლექსოს პრემიაში” გამარჯვებულ ფილმზე მუშაობდნენ.