CNN-ის ცნობით, კორონავირუსის ახალი შტამი ომიკრონი აშშ-ში დააფიქსირეს. მოქალაქეს, რომელიც ინფიცირების წყაროდაა მიჩნეული, სამხრეთ აფრიკის რესპუბლიკაში მოგზაურობის ისტორია აქვს. შემთხვევა კალიფორნიის შტატში აღირიცხა, თუმცა, შტატის გუბერნატორის განცხადებით, ლოკდაუნის შემოღება არ განიხილება.
შეგახსენებთ, ჯანდაცვის მსოფლიო ორგანიზაციამ B 1-1-529 შემაშფოთებელ კატეგორიას მიაკუთვნა. ომიკრონის სწრაფად გავრცელების გამო დიდი შვიდეულის ქვეყნების ჯანდაცვის მინისტრები საგანგებოდაც შეიკრიბნენ.