თბილისის საქალაქო სასამართლომ 29 ნოემბერს მიხეილ სააკაშვილის მხარდამჭერ აქციაზე დაკავებულ ბესიკ თამლიანი პატიმრობაში დატოვა – მას გამოძიება სისხლის სამართლის კოდექსის 353-ე მუხლით კვალიფიცირებულ დანაშაულს ედავება, რაც პოლიციელზე თავდასხმას გულისხმობს და 4-დან 7 წლამდე პატიმრობას ითვალისწინებს.
ბესიკ თამლიანი საქალაქო სასამართლოსთან, სააკაშვილის პროცესის პარალელურად, გამართულ აქციაზე დააკავეს.
იგი მანდატურებისთვის განკუთვნილი ჯიხურის სახურავზე დროშით იდგა და პროტესტს გამოხატავდა, რა დროსაც სამართალდამცავებმა მისი ძალით ჩამოყვანა სცადეს.
თამლიანის დედა, რუსუდან თამლიანი ამბობს, რომ პოლიციელი მისთვის წიწაკის სპრეის შესხმას ცდილობდა. რუსუდან თამლიანის მტკიცებით, მისი შვილი პოლიციელებმა სასტიკად სცემეს.
ბესიკ თამლიანმა პროცესზე განაცხადა. რომ პროტესტის ნიშნად შიმშილობა დაიწყო.