ამერიკის შეერთებული შტატების პირველმა ლედიმ, ჯილ ბაიდენმა სადღესასწაულოდ თეთრი სახლი მორთო. წლევანდელი დეკორაციები შთაგონებულია “გულიდან წამოსული საჩუქრებით”.
“თეთრი სახლის დეკორაციები შთაგონებულია იმ სიკეთის გამოვლინებით და გამოცდილებით, რომელმაც წელს ჩვენი განწყობა აამაღლა. გამოხატავენ გულიდან წამოსულ საჩუქრებს, რომლებიც ყველას გვაერთიანებს: რწმენას, ოჯახს, მეგობრობას, ხელოვნებას, სწავლას, ბუნებას, მადლიერებას, სამსახურს, საზოგადოებას, მშვიდობას და ერთიანობას.” – წერს ჯილ ბაიდენი Twitter-ზე.
