France 24 მიხეილ სააკაშვილის სასამართლო პროცესს გამოეხმაურა. სტატიაში აღნიშნულია, რომ საქართველოს მესამე პრეზიდენტის დაკავებამ კიდევ უფრო გაამწვავა პოლიტიკური კრიზისი, რომელიც საქართველში გასული წლის საპარლამენტო არჩევნების შემდეგ დაიწყო.
სტატიაში ქრონოლოგიურადაა მოთხრობილი მიხეილ სააკაშვილის საქართველოში ჩამოსვლაზე, მის დაკავებაზე, მესამე პრეზიდენტის გათავისუფლების მოთხოვნით გამართულ აქციებზე.
ცნობისთვის, მესამე პრეზიდენტმა მიხეილ სააკაშვილმა საქართველოში ჩამოსვლასთან დაკავშირებით 2021 წლის 1-ელ ოქტომბერს განაცხადა. მაშინ მან გაავრცელა Facebook-პოსტი და ვიდეოები და თქვა, რომ ბათუმში იმყოფებოდა. მთელი დღის ძებნისა და არაერთი მტკიცებისა, რომ მიხეილ სააკაშვილი ცრუობდა და კურორტ ტრუსკავეცში იმყოფებოდა, “ოცნების” ხელისუფლებამ და მისმა პრემიერმა მოსახლეობას მისი დაკავების შესახებ ინფორმაცია დღის ბოლოს მიაწოდა.
მას შემდეგ მიხეილ სააკაშვილი ჯერ რუსთავის, შემდეგ კი გლდანის სასჯელაღსრულების დაწესებულებაში 50 დღის განმავლობაში შიმშილობდა. მისი ჯანმრთელობის მდგომარეობის უკიდურესად დამძიმების შემდეგ, ის გორის სამხედრო ჰოსპიტალში გადაიყვანეს. მესამე პრეზიდენტმა იქ შიმშილობა შეწყვიტა და უკვე მე-11 დღეა მკურნალობს.