საქალაქო სასამართლოს შიდა ეზოს შესასვლელთან დაპირისპირებაა მესამე პრეზიდენტის მხარდასაჭერად მისულთა და პოლიციელებს შორის. მას შემდეგ, რაც სასამართლოს შესასვლელთან მდებარე ღობეზე და დაცვის პოლიციის ჯიხურის სახურავზე აქტივისტები ავიდნენ, პოლიციელებმა სახურავიდან მათი ჩამოყვანა სცადეს, რასაც აქტივისტები ეწინააღმდეგებოდნენ.
დაპირისპირების დროს, სავარაუდოდ, წიწაკის სპრეი გამოიყენეს, დაპირისპირების დროს დაწყებული ჭყლეტისას რამდენიმე ადამიანი, მათ შორის ოპერატორი დაშავდა. პოლიციელებმა აქტივისტები ჯიხურის სახურავიდან ჩამოიყვანეს. ისინი ამ დროისთვის დავით აღმაშენებლის ხეივნის სავალი ნაწილისკენ მიემართებიან და სავარაუდოდ, გზის გადაკეტვას აპირებენ.
საქართველოს მესამე პრეზიდენტი სასამართლოს შენობაში უკვე მიიყვანეს, მაგრამ პროცესი ამ დრომდე არ დაწყებულა.