ზუგდიდში მოშიმშილე დევნილები ხელისუფლების მხრიდან უყურადღებობასა და გულგრილობაზე საუბრობენ. ყოფილი რაიონული საავადმყოფოს ეზოში გაშლილ კარავში სულ 4 ადამიანი შიმშილობს, მათგან ერთმა უკიდურეს ფორმას მიმართა და პირი ამოიკერა. მოშიმშილეების მონახულებაზე უარი თქვა და მათი პრობლემებით არ დაინტერესებულა გუშინ ზუგდიდში ჩამოსული ოკუპირებული ტერიტორიებიდან დევნილთა მინისტრის მოადგილე გიორგი წოწკოლაური. მოშიმშილეების მდგომარეობა უკიდურესად მძიმეა.
დევნილებთან ყოველდღიურ კონტაქტზე იმყოფება ,,სამეგრელოს ხმის,,დამფუძნებელი თენგიზ ჯგუშია, რომელიც საკითხის დეტალურად შესწავლას აპირებს.
ყოფილი რაიონული საავადმყოფოს შენობაში, რომელსაც სამხარაულს ექსპერტიზის დასკვნით მესამე ხარისხის ნგრევადი სტატუსი აქვს, სულ 8 დევნილი ოჯახი ცხოვრობს. ისინი 30 წელია გაუსაძლის პირობებში იმყოფებიან და საკუთარი ჭერის მოლოდინში არიან.