“ბატონი პრეზიდენტი ელოდება ხვალინდელ დღეს მოუთმენლად. ხვალ, თვითონ იხილავთ ალბათ, ყველა, როგორ არის […] ჯანმრთელობის მდგომაროება ხელს უწყობს იმას, რომ ხვალ იყოს სასამართლოში”, — განაცხადა მიხეილ სააკაშვილის პირადმა ექიმმა ნიკოლოზ ყიფშიძემ ცოტა ხნის წინ, გორის ჰოსტიპლის დატოვების შემდეგ.
რაც შეეხება გიორგი ჩალაძის მიერ გავრცელებულ ინფორმაციას ექსპრეზიდენტის პალატასთან მდგარი მანქანის შესახებ, “რომელიც ასხივებს ელექტრომაგნიტურ ტალღებს“, ყიფშიძემ განაცხადა, რომ ფაქტს ვერც უარყოფს, ვერ დაადასტურებს, თუმცა აღნიშნა, რომ მსგავსი გამოსხივება არა თუ სააკაშვილისთვის, არამედ ყველასთვის საშიშია.
ხვალ, 29 ნოემბერს, 11:00 საათზე თბილისის საქალაქო სასამართლოში მიხეილ სააკაშვილის მორიგი სასამართლო პროცესი გაიმართება. აქციის პარალელურად ოპოზიციამ თბილისის საქალაქო სასამართლოსთან ექსპრეზიდენტის მხარდამჭერი აქცია დააანონსა. იქამდე, თავად სააკაშვილმა მხარდამჭერებს შეკრებისკენ მოუწოდა. ჯერჯერობით უცნობია, მისცემს თუ არა იუსტიციის სამინისტრო მას საკუთარ სასამართლო სხდომაზე დასწრების საშუალებას.