ახალი წლიდან საოკუპაციო ხელისუფლება ოკუპირებული გალის მოსახლეობას ახალ შეზღუდვებს უწესებს. პირველი იანვრიდან ენგურის გავლით, აფხაზეთში შესვლა ან მისი დატოვება, ე.წ ცნობა N9-ის საფუძველზე შეუძლებელი გახდება.
გადაწყვეტილების მიზეზი არ განუმარტავთ, მაგრამ სავარაუდოდ ერთ-ერთი მიზეზი ის არის, რომ 30 000-მდე ეთნიკურ ქართველს არ ჰქონდეს ე.წ პოლიტიკურ პროცესებში მონაწილეობის უფლება, მეორე, კი მათი ეტაპობრივი განდევნაა.
შესაძლოა ეთნიკური ქართველების უფლებების შეზღუდვის ეს მორიგ ფაქტი ოკუპირებულ ტერიტორიაზე ოკუპანტი ქვეყნის გავლენის ზრდასაც უკავშირდებოდეს. მნიშვნელოვანია, რომ ეს არის პირველი მკვეთრი ნაბიჯი ე.წ საგარეო საქმეთა მინისტრის თანამდებობაზე პუტინის თანაშემწის, ვლადისლავ სურკოვის ერთგული კადრის ინალ არძინბას დანიშვნის შემდეგ