ორი დღეა, სოფელ ხურვალეთში საოკუპაციო ძალების წარმომადგენლები ღამ-ღამობით მავთულხლართებს აბამენ.
ახალი ღობეები სოფელ ხურვალეთში ანტისაოკუპაციო მოძრაობის წევრებმაც დააფიქსირეს. მათ ფოტო და ვიდეომასალაც გადაიღეს
მოძრაობის ლიდერის, დავით ქაცარავას თქმით, ჩასმულია ძელები და გავლებულია მავთულები, თუმცა სამუშაოები ჯერჯერობით დასრულებული არ არის და შეუძლებელია იმის თქმა, საბოლოოდ რამდენ ჰექტარ მიწას მიიტაცებენ.
მისი თქმით, სოფლის ერთ-ერთ მიწის ნაკვეთთან, სადაც ადრე ხნულები იყო გავლებული, ახლა მავთულხლართებს ამონტაჟებენ.
ეს მიწის ნაკვეთი დათა ვანიშვილის (დათა პაპას) სახლის სიახლოვესაა და იქ საოკუპაციო ძალებს ღამით პროჟექტორები მიაქვთ და ამ პირობებში მუშაობენ