წყლის ინტენსიური ხარჯვის გამო ენგურჰესის წყალსაცავში დონე უკვე ჩამოცდა ნიშნულს, რომლის ქვემოთ მხოლოდ ავარიული მარაგია

0
83
 ენგურჰესის ტექნიკური დირექტორი გია ხუბუა ამბობს, რომ – ენგურჰესის (ჯვარის) წყალსაცავი თავის დროზე ზამთარში ქვეყნის ელ.ენერგიით მომარაგებისთვის შეიქმნა, მაგრამ წელს საშემოდგომო მარაგად იქცა და, შესაძლოა, ასეც გაგრძელდეს უახლოეს წლებში.
წყლის ინტენსიური ხარჯვის გამო წყალსაცავში დონე უკვე ჩამოცდა იმ ნიშნულს, რომლის ქვემოთ მხოლოდ ავარიული მარაგია.
ეს იძულებითი ნაბიჯი იყო, სხვანაირად ქართული მხარე ვერ მიიღებდა კუთვნილ წილს.
რა თქმა უნდა, ასეთი ვითარება გაართულებს ენერგოსისტემის ფუნქციონირებას ზამთარში, თუმცა, საბედნიეროდ, ქვეყანა უკვე მხოლოდ მე-9 ბლოკის იმედად არაა, ბოლო წლებში მნიშვნელოვანი სიმძლავრეები შევიდა ექსპლუატაციაში (დაკარგულ შესაძლებლობებზე ლაპარაკი ალბათ არა ღირს).
 მიუხედავად ბოლო დროს განხორციელებული შეზღუდვებისა, აფხაზეთის წლიური მოხმარება უკვე იმხელაა, რომ მხოლოდ ორი მესამედით შეგვიძლია მოვამარაგოთ, მესამედი კი უნდა შეავსოს რუსეთიდან იმპორტით. მოკლედ, არცთუ სახარბიელო მდგომარეობაა.”
წინა სტატიაგლდანის ციხესთან ერთ-ერთი პატიმრის მამამ არსენ ცერცვაძემ თავის დაწვა სცადა.
შემდეგი სტატია“ემპათიას” ექიმები უკვე 3 დღეზე მეტია, მიხეილ სააკაშვილის მოსანახულებლად ნებართვას ელოდებიან
ტელეკომპანია ოდიშის საინფორმაციო სამსახური