მარეგულირებელმა კომისიამ მთავარი არხი 111 000 ლარით დააჯარიმა. გადაწყვეტილება ცოტა ხნის წინ მიიღეს. ტელეკომპანიის იურისტის თამთა მურადაშვილის განცხადებით, კომისიამ ყველაზე დიდი ჯარიმა გამოიყენა, რაც კი ოდესმე მაუწყებლებისთვის დაუწესებიათ.
მანამდე, აქტივისტის ნოდარ რუხაძე წერდა, რომ საუბარია ვიდეორგოლზე, რომელშიც ქართული ოცნების წევრების გამოსახულებით იქმნება რუსეთის პრეზიდენტის ვლადიმერ პუტინის პორტრეტი. ვიდეორგოლი მოძრაობა სირცხვილიამ განათავსა მთავარი არხის ეთერში.
სირცხვილიაში ამბობენ, რომ ხსენებული ვიდეორგოლით ისინი ქვეყნის შეცვლილ საგარეო კურსს და ქვეყნის პრორუსულ პოლიტიკას აპროტესტებენ.