სვენ მიქსერი: ევროპარლამენტარები ძალიან არიან დაინტერესებული საქართველოს წინსვლით ევროინტეგრაციის გზაზე, თუმცა ევროკავშირის მოთმინება უსაზღვრო არ არის

0
55

საქართველოს საკითხებზე მთავარი მომხსენებელი ევროპარლამენტში, სვენ მიქსერი აცხადებს, რომ ევროკავშირი, მათ შორის ევროპარლამენტარები ძალიან არიან დაინტერესებულები საქართველოს წინსვლით ევროინტეგრაციის გზაზე, თუმცა აღნიშნავს, რომ ევროკავშირის მოთმინება უსაზღვრო არ არის.

მიქსერის განცხადებით, ევროკავშირს სურს საქართველოში პროგრესის ნახვა რეფორმების განხორციელების მიმართულებით.

“ცხადია, საქართველოს ხელისუფლებაზეა დამოკიდებული, რომ ყველა გაცემული დაპირება შესრულდეს და რეფორმები წარმატებული იყოს. შეხვედრაზე ვისაუბრეთ ყოფილ პრეზიდენტზეც, ვისი ჯანმრთელობის მდგომარეობა შემაშფოთებელია. შევიტყვე, რომ მან შიმშილობა შეწყვიტა, თუმცა ვფიქრობ სიტუაციას მდგრადი გადაწყვეტა სჭირდება. იმისათვის რომ პოლიტიკურმა დისკურსმა წინ წაიწიოს და ნორმალური მიმართულება მიიღოს.

ვფიქრობ, ყველა პარტიამ უნდა გააცნობიეროს, რომ ევროკავშირი, მათ შორის ევროპარლამენტარები ძალიან არიან დაინტერესებულები საქართველოს წინსვლით ევროინტეგრაციის გზაზე, თუმცა ევროკავშირის მოთმინება უსაზღვრო არ არის. ჩვენ გვსურს ნამდვილი პროგრესის ხილვა, როგორც რეფორმების მიმართულებით, ისე ნორმალური პოლიტიკური პროცესის კუთხითაც.

დროა ყველამ გაიაზროს საკუთარი პასუხისმგებლობა, რომ დამოუკიდებელ ინსტიტუციებზე თავდასხმა და პოლიტიკური ანტაგონიზმი სრულიად არასაჭიროა. ვფიქრობ, საქართველოსთვის ევროინტეგრაციის გზაზე ახლა კრიტიკული დროა,” – აღნიშნა სვენ მიქსერმა.

წინა სტატია26 ნოემბერს დასავლეთ საქართველოში მოსალოდნელია წვიმა და ძლიერი ქარი, აღმოსავლეთში ყინვა და თოვლი.
შემდეგი სტატია,,ხალხი ქუჩაში გამოდის ცვლილებებისთვის, როცა შენ ამ ცვლილებებს ვერ ქმნი, ან მიზანი გაქვს სხვა და ორმაგ თამაშს თამაშობ, ან ლიდერად არ ვარგიხარ და დანიშნული ლიდერი ხარ”
ტელეკომპანია ოდიშის საინფორმაციო სამსახური