სანამ არ დავინახავთ, რომ მიხეილ სააკაშვილი გადაყვანილია, არ დავიშლებით – ნიკა მელია

0
149

ენმ-ის პოლიტსაბჭოს თავმჯდომარე ნიკა მელია ამბობს, რომ შეკრებილები არ უნდა დაიშალონ მანამ, სანამ ფიზიკურად არ დაინახავენ, რომ მიხეილ სააკაშვილი ნამდვილად გადაყვანილია გორის სამხედრო ჰოსპიტალში ან მანამ, სანამ არ გვეცოდინება მიხეილ სააკაშვილის პასუხი. 

“ჩვენი არაძალადობრივი პროტესტის შედეგია ის, რომ ხელისუფლება წავიდა დათმობაზე, იმიტომ რომ მათ გორის ჰოსპიტალში მიხეილ სააკაშვილის გადაყვანა არ უნდოდათ – რომ სდომოდათ, გადაიყვანდნენ ისე, რომ აქამდე არ მივიდოდა საქმე. ეს ნაბიჯი არის ზუსტად იმის დასტური, რომ ქართული ოცნების ხელისუფლებას უნდოდა ჩვენი ჩათრევა ძალადობრივ სცენარში, რაც არ გამოუვიდა”, – განაცხადა ნიკა მელიამ თბილისში, პარლამენტის წინ მიტინგზე, სადაც მიხეილ სააკაშვილის მხარდამჭერები რესპუბლიკის მოედნიდან, მსვლელობით მივიდნენ. 

ნიკა მელიას განცხადებით, ახლა საჭიროა, დაველოდოთ თავად მიხეილ სააკაშვილის გადაწყვეტილებას, შემდეგ კი შევასრულოთ ჩვენი პირობა. 

შეგახსენებთ, იუსტიციის მინისტრმა ცოტა ხნის წინ განაცხადა, რომ მიხეილ სააკაშვილს სთავაზობენ გორის სამხედრო ჰოსპიტალში გადაყვანას. 

გადავიყვანთ გორის სამხედრო ჰოსპიტალში – იუსტიციის მინისტრი მიხეილ სააკაშვილზე

წინა სტატია“გადაიყვანე” – საპროტესტო მსვლელობა რესპუბლიკის მოედნიდან დაიწყო
შემდეგი სტატიავაქცინაციის საინფორმაციო კამპანია რუსთავში – შეხვედრა რუსთავში 60+ კლუბის წევრებთან [Video]
ტელეკომპანია ოდიშის საინფორმაციო სამსახური