იუსტიციის მინისტრმა რატი ბრეგაძემ მიხეილ სააკაშვილის მისამართით შეთავაზება საგანგებო ბრიფინგზე გააჟღერა და განაცხადა, რომ “ქართული ოცნების” ხელისუფლება მზადაა, გიორგი აბრამიშვილის სახელობის სამხედრო ჰოსპიტალში გადაიყვანოს მესამე პრეზიდენტი, რადგან ითვალისწინებს სტრასბურგის სასამართლოს რეკომენდაციებს და ასევე, სხვა ადამიანების ჯანმრთელობის მდგომარეობას.
მინისტრის თქმით, ჯანმრთელობის მდგომარეობის გაუმჯობესების შემდეგ მიხეილ სააკაშვილს დააბრუნებენ რუსთავის მე-12 დაწესებულებაში, ხოლო ნებისმიერი პროვოკაციის შემთხვევაში მიხეილ სააკაშვილის მხარდამჭერებისგან, მიხეილ სააკაშვილს დააბრუნებენ გლდანის მე-18 სამედიცინო დაწესებულებაში.