ელენე ხოშტარიას ეტლი მიუტანეს. პარლამენტში მოშიმშილე დეპუტატმა დღეს პროტესტის კიდევ უფრო მძიმე ფორმას მიმართა და უარი თქვა მედიკამენტოზურ მკურნალობაზე. ელენე ხოშტარია მიხეილ სააკაშვილის სამოქალაქო კლინიკაში გადაყვანის მოთხოვნით, უკვე 17 დღეა შიმშილობს. მისი ჯანმრთელობის მდგომარეობა ყოველდღიურად მძიმდება.
ელენე ხოშტარია ცოტა ხნის წინ ვახტანგ კალოიანმა მოინახულა და იმ რისკებზე ისაუბრა, რამაც შესაძლოა შიმშილობის ამ ეტაპზე მედიკამენტების მიღების შეწყვეტამ გამოიწვიოს.