16 ნოემბერს ზუგდიდის დემოკრატიული ჩართულობის ცენტრში სალომე ჯაშის დოკუმენტური ფილმის კინოჩვენება გაიმართა. ,,მოთვინიერება” ასე ჰქვია ფილმს, რომლის შინაარსიც საქართველოს მოსახლეობისთვის კარგად ნაცნობ ფაქტს, ქვეყნის უმდიდრესი ადამიანის უჩვეულო გატაცებას ასახავს, რომელიც უზარმაზარ საუკუნოვან ხეებს მდებარეობას უცვლის და ხელოვნურად გაშენებულ დენდროლოგიურ პარკში გადააქვს.
ფილმი წარდგენილი იყო მსოფლიოს 30-მდე კინოფესტივალზე და ევროპული კინოდაჯილდოვების ნომინანტად შეირჩა.