,,ეს იყო პრეზიდენტ ზურაბიშვილის მორიგი, უკეთეს შემთხვევაში რომ ვთქვათ, არაფრისმთქმელი გამოსვლა, რომელიც უდიდესი ალბათობით არის მისი გაგებით რეაქცია იმაზე, რაც უმაღლეს დონეზე საფრანგეთში მოისმინა სააკაშვილის გლდანში გადაყვანის ამაზრზენ ამბავთან დაკავშირებით.” –
ასე ეხმაურება ევროპული საქართველოს თავმჯდომარე, გიგა ბოკერია საქართველოს პრეზიდენტის, სალომე ზურბიშვილის საგანგებო ბრიფინგს, სადაც ზურაბიშვილმა ექსპრეზიდენტ მიხეილ სააკაშვილზე ისაუბრა. მისი თქმით, მიხეილ სააკაშვილი რიგითი პატიმარი არაა, ამიტომ სამოქალაქო კლინიკაში გადაყვანა უფრო რთულად განსახორციელებლია “შესაძლო საფრთხეებიდან გამომდინარე”.
