ნოემბერში აშშ-ისა და ნატოს მისამართით კვლავ გაისმა მორიგი ბრალდებები. მოსკოვი ალიანსს „პროვოკაციაში“ ადანაშაულებს შავ ზღვაში ამერიკული სამხედრო გემების შესვლის გამო. ნატოში აცხადებენ, რომ საქმე ეხება რეგიონში სამხედრო გემების გეგმურ შესვლას შავი ზღვის რეგიონის უსაფრთხოების უზრუნველსაყოფად. რაში მდგომარეობს რუსეთის პრეტენზიების არსი?
რუსეთის საგარეო საქმეთა მინისტრის მოადგილემ, სერგეი რიაბკოვმა 11 ნოემბერს განაცხადა, რომ მოსკოვი „მართლა შეშფოთებული იმით, რაც ხდება შავი ზღვის რეგიონში“. მისი სიტყვებით, შავ ზღვაში „იზრდება შეტაკების რისკი“.
„ეს უწყვეტი პროვოკაციები, რომლებსაც ახორციელებენ შეერთებული შტატები, ნატოში მათი მოკავშირეები და ამ სახელმწიფოების ზოგიერთი კლიენტი რეგიონში. ეს ცეცხლთან თამაშია, ესაა მცდელობა, გამოცადონ ჩვენი სიმტკიცე,“ მოჰყავს ტასს რიაბკოვის სიტყვები.
ამ განცხადებამ გაიჟღერა შავ ზღვაში იმ ამერიკული სამხედრო ხომალდების გადაადგილების ფონზე, რომლებიც ახლახან შევიდნენ ბათუმის პორტში, მანამდე კი ორმხრივი წვრთნები ჩაატარეს ბულგარეთისა და თურქეთის სამხედრო-საზღვაო ძალების გემებთან ერთად.