სოციალურ ქსელ ფეისბუქზე აქტიურად ვრცელდება სსრკ სახელმწიფო უშიშროების კომიტეტის მიერ საბჭოთა მილიციისთვის შემუშავებული კონკრეტული წესები, რომლებიც აქტუალური გახდა სსრ კავშირში ე.წ. გარდაქმნის დაწყებიდან, როცა მთელი საბჭოეთი ეროვნული თვითგამორკვევის განხრით დაწყებულმა საპროტესტო აქციებმა მოიცვა.
“დღეს მილიციის დღეა – სსრკ-ში აღნიშნავდნენ.
ის მეთოდები, რითაც კონკრეტულად დღეს პოლიცია მოქმედებს, КГБ-ს მიერ მილიციისთვის შემუშავებული წესებიდანაა, “გარდაქმნის” გარიჟრაჟიდან:
“აქციების დაწყებამდე სახეზე, ჩაცმულობაზე იმახსოვრებთ აქტიურ პირებს, რომლებსაც:
*აქვთ რუპორი
*იძლევიან მითითებებს
*ჟესტიკულაციკს მიხედვით ანაწილებენ ადამიანებს
*რომლებიც გახსოვთ წინა აქციებიდან
*დგებით ცოცხალ ჯაჭვში იმ კოლეგებთან ერთად, ვინც იცის, ვინაა მოსაშორებელი აქციიდან
*დგახართ მშვიდად, ახლოს დასაკავებელ ობიექტთან
*როგორც კი ობიექტი ყურადღებას მოადუნებს, კოლეგებთან ერთად იწყებთ მოქმედებას, სტაცებთ ხელს ობიექტს და გადმოითრევთ
* მკაფიოდ უნდა განსაზღვროთ ერთობლივი მოქმედების და მოულოდნელობის ეფექტები”, – წერს “ფეისბუქზე” რამდენიმე მომხმარებელი და ირონიულად, პოლიციელებს “საბჭოთა მილიციის დღეს” (აღინიშნებოდა 10 ნოემბერს) ულოცავს.