საქართველოს მესამე პრეზიდენტის მდგომარეობა მძიმეა. როგორც ნიკა გავარამიამ განაცხადა, კალციუმისა და ცილების დრამატულმა დაცემამ შეიძლება კომატოზურ მდგომარეობაში ჩავარდნა წამიერად გამოიწვიოს.
მისი თქმით, მიხეილ სააკაშვილი დაუძლურებულია და პროგნოზის გაკეთება უჭირს.
ადამიანი არ იღებს კალციუმს და ცილებს, იღებს მხოლოდ გლუკოზას და მთავარია კალციუმი და ცილები და შეიძლება მათმა დრამატულმა დაცემამ წამიერად გამოიწვიოს კომატოზურ მდგომარეობაში ჩავარდნა. რასაც ესენი აკეთებენ, ამას ჰქვია დანის პირზე სიარული, სიკვდილ-სიცოცხლის საზღვარზე სიარული. პირდაპირ გეტყვით, ლატარეას თამაშობენ 50/50-ზე ალბათობით”- ამბობს ნიკა გვარამია.
მისი თქმით, სააკაშვილი შიმშილობას აგრძელებს:
მიხეილ სააკაშვილი შიმშილობს, ის მარტივად არ გადაადგილდება, მასთან პალატაში არ გვიშვებენ. უნდა ჩამოვიდეს ხუთ სართულს, შემოვიდეს ოთახში, იქ ხმაგაუმტარი მინაა, ჩემთან ერთად არის მეორე ადვოკატი და არის ინსპექტორის გამომძიებელი. მესაუბრება ტელეფონით, მე მერე ვეუბნები სახელმწიფო ინსპექტორის წარმომადგენელს ან მეორე ადვოკატს, ის მეუბნება კითხვას, მერე უნდა დავუსვა კითხვა და ა.შ. ეს პროცედურა არ ჩატარებულა, რადგან ასე ფაქტების დადგენა არის შეუძლებელი. მიხეილ სააკაშვილთან ადვოკატების კომუნიკაცია ეფექტურად არის შეზღუდული”, – განაცხადა გვარამიამ.