მიხეილ სააკაშვილის განცხადებით მასზე გლდანის ციხის წარმომადგენელმა მას სიტყვიერი შეურაცხყოფა მიაყენა. ამის შესახებ სააკაშვილმა წერილში ისაუბრა.
მე აქ გადმომიყვანეს მოტყუებით მას შემდეგ, რაც გამომიცხადეს რომ ქალაქის რეგულარულ კლინიკაში მივყავდით და გამიუქმეს შეხვედრა ექიმებთან და პაემანი დედაჩემთან და ჩემს შვილებთან. როდესაც მიმიყვანეს კრიმინალების კორპუსთან, რომელთაც ატეხეს დიდი ჟრიამული და არ შეწყვეტილა ეს ჟრიამული ამ წუთამდე. ხოლო ციხის ერთ-ერთმა წარმომადგენელმა, როგორც ჩანს ხელმძღვანელმა მუშაკმა გამომიცხადა “აჰა, ჩიტო, ხო ჩაგიგდეთ ხელში” და გინებაც მოაყოლა. მე მოვითხოვე მისი სახელი და გვარი, თუმცა უარი მითხრეს თქმაზე”, – წერს სააკაშვილი.