“გენინსპექციის საგამოძიებო დეპარტამენტი დღეს მტკიცებულებებს იპარავდა” – ნიკა გვარამია

მიხეილ სააკაშვილის ადვოკატი, ნიკა გვარამია ამბობს, რომ დღეს იუსტიციის სამინისტროს გენინსპექციის საგამოძიებო დეპარტამენტმა მტკიცებულებების მოპარვა სცადა.

კერძოდ, ნიკა გვარამია განმარტავს, რომ გენინსპექციის საგამოძიებო დეპარტამენტმა წინასწარ იცოდა, რომ ინსპექტორის წარმომადგენლები მტკიცებულებებისთვის მიხეილ სააკაშვილის ტანსაცმელი უნდა ამოეღოთ, თუმცა გენ.ინსპექციის საგამოძიებო დეპარტამენტი მიხეილ სააკაშვილთან წინასწარ შევიდა და მოტყუებით, მისი ტანსაცმელის გამორთმევა სცადა.

დღეს იუსტიციის სამინისტროს გენინსპექციის საგამოძიებო დეპარტამენტი იპარავდა მტკიცებულებას. მათ იცოდნენ, რომ ინსპექტორის წარმომადგენელი შემოდიოდა ტანსაცმლის ამოსაღებად, იმისთვის, რომ შემოწმდეს კვალი ამ ტანსაცმელზე. რა ქნა იუსტიციის სამინისტრომ, დაასწრო და დაიწყო ამოღების პროცესი. შეიყვანეს შეცდომაში სააკაშვილი, რომელსაც ეძინა და გააღვიძეს. ვიდეო თვითონ გვაჩვენეს, მაგრამ ვნახავთ, რამდენად ადეკვატურია იმ ვიდეოში სააკაშვილი, ნამძინარევია და თან აშკარად დასუსტებული.

სააკაშვილმა ჩათვალა, რომ ეს ინსპექტორის ხალხია და მოუწერა ხელი, გადააბარა ეს ტანსაცმელი და როგორც კი ტელევიზორში ნახა, რომ გარეთ ვდგავართ ჩვენ და ინსპექტორები, ჰკითხა თქვენ ვინ ხართო, იმათ უთხრეს, რომ იუსტიციის სამინისტროს გენინპსექცია ვართო, არც აცია და არც აცხელა, მთელი ეს ტანსაცმელი მას გამოართვა, წაართვა და აღარ შედგა ეს საპროცესო მოქმედება, – თქვა ნიკა გვარამიამ.