ოპოზიციის ლიდერები და მხარდამჭერები მთავრობის ადმინისტრაციის შენობიდან მსვლელობით იუსტიციის სამინიტროსკენ მიემართებიან.
“ნაციონალური მოძრაობის” თავმჯდომარის, ნიკა მელიას თქმით, ისინი იუსტიციის მინისტრთან, რატი ბრეგაძესთან მოითხოვენ შეხვედრას და გუშინ განვითარებულ მოვლენებზე პასუხს მოსთხოვენ.
“დღევანდელი საქართველო აღარ არის გუშინდელი საქართველო, ეს საპროტესტო აქციები არის უწყვეტი. მანამ, სანამ პირველ რიგში სასწრაფო წესით არ იქნება მიხეილ სააკაშვილი გადაყვანილი იქ, სადაც უნდა იყოს. მისი ყოფნა გლდანის ციხეში შეიცავს უდიდეს საფრთხეს. ამიტომ, დეპუტატები მოითხოვენ იუსტიციის მინისტრთან, პასუხისმგებელ ადამიანთან შეხვედრას და მან უნდა აუხსნას რა მოხდა”, – ამბობს ნიკა მელია.
შეგახსენებთ, რომ მანამდე მთავრობის ადმინისტრაციასთან ხმაური იყო. აქციის მონაწილეებს, რომლებმაც ღამე ადგილზე გაათენეს, სამართალდამცველებმა ტერიტორიის დატოვება მოსთხოვეს.