“ქართული ოცნების” თავმჯდომარის, ირაკლი კობახიძის მტკიცებით, პენიტენციურის მიერ გავრცელებული კადრებით დამტკიცდა, რომ მიხეილ სააკაშვილის შიმშილობა “ფეიკია”. მისი თქმით, ამ საკითხზე მაღალი საზოგადოებრივი ინტერესი იყო.

ირაკლი კობახიძე ოპოზიციის მიერ დღეს დაგეგმილ აქციასაც გამოეხმაურა და თქვა, რომ ულტიმატუმები თავიანთვის შეინახონ.

“უტლიმატუმები თავისთვის შეინახონ. თუ ექნებათ რამე მცდელობა, გადადგან დესტრუქციული ნაბიჯები, მიიღებენ უმკაცრეს პასუხს. […] რა თქმა უნდა იყო მაღალი საზოგადოებრივი ინტერესი ამ საკითხთან დაკავშირებით, ყველას აინტერესებდა შიმშილობდა თუ არ შიმშილობდა მიხეილ სააკაშვილი და ამ კითხვას ძალიან ნათელი პასუხი გაეცა, როგორც ყველაფერში, ამ შემთხვევაშიც სააკაშვილი არის ფეიკი, მისი შიმშილობაც აღმოჩნდა ფეიკი, ეს იყო მნიშვნელოვანი საზოგადოებისთვის, საზოგადოებას აინტერესებდა ეს ყველაფერი და დარწმუნდა, რომ სინამდვილეში სააკაშვილის შიმშილობა არის ნამდვილი ფეიკი”, – თქვა ირაკლი კობახიძემ.

ცნობისთვის საქართველოს მესამე პრეზიდენტი ციხეში უკვე 39 დღეა შიმშილობს. ცნობისთვის, პენიტენციურმა სამსახურმა კადრები გამოაქვეყნა და ამტკიცებს, რომ ვიდეომასალაში “მიხეილ სააკაშვილის მიერ საკვების მიღების ფაქტები” ჩანს.