საქართველოს მესამე პრეზიდენტი პუტინისა და ივანიშვილის პირადი პატიმარია და უნდა გათავისუფლდეს.- ასეთია თბილისში დაგეგმილი მასშტაბური აქციის მონაწილეთა მთავარი მოთხოვნა
სამეგრელოდან ავტოკოლონები უკვე დაიძრა
“ფეხს არ მოვიცვლით რუსთაველიდან მანამ, სანამ არ შესრულდება ჩვენი მთავარი მოთხოვნა და სასწრაფო წესით კლინიკაში არ იქნება გადაყვანილი მიხეილ სააკაშვილი, ეს არის ნომერ პირველი მოთხოვნა”, – თქვა ენმ-ს ერთ-ერთმა ლიდერმა ანი წითლიძემ.
თბილისში დაგეგმილ მასშტაბურ აქციას უერთდებიან და თბილისისკენ მიემართებიან მიხეილ სააკაშვილისხარდამჭერები დაარჩენების გაყალბებით აღფოთებული ადამიანები აჭარიდან, გურიიდან, იმერეთიდან. მარტო იმერეთიდან აქციაზე რამდენიმე ათას ადამიანს ელოდებიან.
“ყველანი ძალიან კარგად ვხვდებით, რომ დღეს ჩვენი ქვეყნის თავისუფლებისა და სუვერენიტეტის დაცვა მართლა გადის საქართველოს მესამე პრეზიდენტის ჯანმრთელობასა და სიცოცხლეზე. მე მგონია, რომ მთელი ქვეყნის ღირსების საკითხია, რომ ჩვენ არ მივცეთ ივანიშვილს, პუტინის, ამ ადამიანების ჯგუფს, რომ დაჩაგროს საქართველოს მესამე პრეზიდენტი და ჩვენი ქვეყანა”, – თქვა ენმ-ს ერთ-ერთმა ლიდერმა, გიორგი კირთაძემ.
ხელისუფლების ოპონენტები ითხოვენ, რომ მიხეილ სააკაშვილი შესაბამის კლინიკაში გადაიყვანონ, ასევე, ჩაინიშნოს ვადამდელი არჩევნები.