ტვ პირველის ცნობით, ბიძინა ივანიშვილმა თბილისში მდებარე შუშის სასახლე, ე.წ. ბიზნეს-ცენტრი დაცალა და, სავარაუდოდ, დეკემბერში, კორეაში მიემგზავრება. მან სამეგობროს უთხრა, რომ მინიმუმ, 5 წელი უკან დაბრუნებას არ აპირებს.
ცნობილია, რომ ივანიშვილის შვილები საქართველოში უკვე აღარ იმყოფებიან – ბერა კორეაშია, ცოტნე და უტა საფრანგეთში, გვანცა კი ამერიკაში.
კადრებიდან, რომელიც “შაბათის ეთერმა” გადაიღო, ჩანს, რომ 256 მილიონი ლარი ღირებულების შენობას ჟანგი მოედო, სასახლეს უპატრონობა თვალის ჩინივით ეტყობა. დიდების ნიშნად სოლოლაკის ქედზე წამოჭიმული რეზიდენციის ყველა კუთხე კუნჭულს მოუვლელობის კვალი ეტყობა. ჭუჭყით დაფარულ ღია ტერასებზე დამლაგებლებსაც კი აღარ უშვებენ. გამორთულია კლდეში ჩამალული სავინტილაციო სისტემა. გათიშულია ხელოვნური ჩანჩქერი. უკანა ეზოში ხელოვნურ კლდეში ამოჭრილი ტბა დამშრალა.
ჩაბნელებულია ბიძინა ივანიშვილის საყვარელი ოთახი, ხელოვნების ნიმუშად აღიარებული სავარძლები ჯერ ივანიშვილს სასახლიდან არ წაუღია, თუმცა რაც კი ღირებული ჰქონდა იქ თითქმის აღარ დევს. გატანილია რამდენიმე მილიონის ღირებულების ტილოები. ნახატები ჩვენი ინფორმაციით უკვე საზღვრებს გარეთ გააგზავნეს. თავიდან ბოლომდე დამინულია ვერტმფრენის დასაჯდომი შენობა.
ბოლოს ივანიშვილი მის მშობლიურ საჩხერეში ნახეს.
წყარო: ტვ პირველი