“დროას” ლიდერი, პარლამენტის წევრი ელენე ხოშტარია “ფეისბუქზე” წერს, რომ მის ჯანმრთელობასთან დაკავშირებით არაფერი დრამატული არ ხდება.
“გავრცელდა ინფორმაცია, რომ ცუდად ვარ და სასწრაფო იყო. პარლამენტმა გამოიძახა სასწრაფო, მე არ მომითხოვია.
წნევა ნორმის ფარგლებში მაქვს.
გლუკოზამ ცოტა დაიწია, მაგრამ ნორმის ფარგლებშია.
პულსიც ოდნავ დაბალი, მაგრამ ნორმის ფარგლებში.
დრამატული არაფერი არ ხდება. უბრალოდ, ცოტა სისუსტე მაქვს და ხშირად მძინავს, ამიტომ ყველას ვერ გპასუხობთ
ინფორმაციას მოგაწვდით ყველა ეტაპზე.
გამოსავალი მარტივია, სააკაშვილი გადაიყვანონ კლინიკაში”, – წერს ელენე ხოშტარია.
შეგახსენებთ, ელენე ხოშტარია უკვე მე-5 დღეა, პარლამენტის შენობაში შიმშილობს.