“პრეკრიტიკული მდგომარეობა ნიშნავს, რომ მისი (მიხეილ სააკაშვილის) ჯანმრთელობის მდგომარეობა თანდათან მძიმდება და ჩვენ დაგვრჩა რამდენიმე საათი, მაქსიმუმ, ერთი-ორი დღე მანამ, სანამ მდგომარეობა დამძიმდება და სანამ მიხეილ სააკაშვილი აღმოჩნდება რეანიმაციაში”, – ამის შესახებ გიორგი ჩალაძემ განაცხადა.
გიორგი ჩალაძის განცხადებით, მიხეილ სააკაშვილი არაფერს განსაკუთრებულს არ ითხოვს, იმიტომ რომ რასაც ის ითხოვს, არის მისი უფლება – მიიღოს სრულფასოვანი სამედიცინო მომსახურეობა. ჩალაძე ამბობს, რომ სამოქალაქო, მულტიფუნქციურ კლინიკაში გადაყვანა არა აკვიატება, არამედ აუცილებლობაა.
ამ დროისთვის რუსთავის ციხეში იმყოფება მიხეილ სააკაშვილის პირადი ექიმი ნიკოლოზ ყიფშიძე.