ევროსასამართლოს ყოფილი მოსამართლე, ნონა წოწორია ეხმაურება პენიტენციური სამსახურის მიერ მიხეილ სააკაშვილის კადრების გავრცელებას და უკრაინელი პოლიტიკოსის, შემდეგში უკვე გენპროკურორის იური ლუცენკოს შიმშილობას იხსენებს, რომელიც ასევე იღებდა ექიმების დანიშნულებით საკვებ მინარევებს და ევროსასამართლოს არ მიუჩნევია, რომ მან ამით შიმშილობა შეწყვიტა ან დაარღვია:
“ექიმებმა იური ლუცენკოს შიმშილობის დროს სპეციალური საკვები ნარევი გამოუწერეს და სითხის შემანარჩუნებელი თერაპია ჩაუტარეს. ევროსასამართლოს არ უთქვამს, რომ ამ პერიოდში მან შიმშილობა შეწყვიტა. იანუკოვიჩსაც არ უკადრია, რომ ეს კვებად ჩაეთვალა. საერთოდ არაფერს ვამბობ იმ ამორალურ საჯარო კამპანიაზე, რასაც ქართული ოცნების რეჟიმი აწარმოებს. არ მგონია, რომ ამას სადმე პრეცედენტი ჰქონდეს. შიმშილობის მართვაში ახალი, წამების ტოლფასი სტანდარტი დაადგინეს.”- წერს ნონა წოწორია.
შეგახსენებთ, პენიტენციურმა სამსახურმა გაავრცელა სამედიცინო ოთახში მყოფი მიხეილ სააკაშვილის კადრები, სადაც ის ექიმების მიერ დანიშნულ მინარევებს იღებს, რაზე დაყრდნობითაც იუსტიციის მინისტრი ამტკიცებდა, რომ მესამე პრეზიდენტი საკვებს იღებს. ამ კადრების გავრცელებამდე სახალხო დამცველმა გაავრცელა განცხადება, სადაც აღნიშნულია, რომ თავად ციხის მედპერსონალის მიერ შედგენილი დოკუმენტაციის მიხედვით, მიხეილ სააკაშვილი 1 ოქტომბრიდან უწყვეტად შიმშილობს.
სააკაშვილი პირველი ოქტომბრიდან უწყვეტად შიმშილობს და არ იღებს არანაირ საკვებს – სახალხო დამცველი