ტვ პირველის ჟურნალისტ გამომძიებელთა ჯგუფის გადაცემაში “ნოდარ მელაძის შაბათი” დღეს, 6 ნოემბერს საქართველოს მესამე პრეზიდენტის დღიურის ფრაგმენტები გამოქვეყნდება.
დღიურის ჩანაწერები რუსთავის მე-12 დაწესებულებაში მიხეილ სააკაშვილის მდგომარეობას აღწერს.
„როცა ვიდეოკამერაში ხედავენ, რომ გაუნძრევლად დიდი ხნით ვწევარ, შემოდიან და ამოწმებენ, ხომ არ მოვკვდი უკვე”…
„ეს არის კლასიკური წამება…
მე ვიცი, რას დავუპირისპირდი – ბოროტებას, სუფთა სახით.. ბოროტებაა, როცა სხვას უსურვებ სიკვდილს”…
„ამასწინათ, ჩემმა მეგობრებმა დინამიკებიანი სატვირთო მანქანა მოაყენეს ციხეს და ჩემი საყვარელი სიმღერები – ცაბაძის, ლაღიძის, ლეგრანის, სტინგის, მომასმენინეს…
მე ავძვერი რადიატორზე, რათა უკეთესად გამეგონა”…
„ფანჯრიდან ჩემი გამოხედვის და ხელის დაქნევის შემდეგ, მგონი ციხის უფროსი მოხსნეს, ვინაიდან მას შემდეგ აღარ მინახავს”…
„ამდენ ლაყბობას, ერთხელ გამომიყვანონ ტელეკამერების წინ და ხალხი თვითონ მიხვდება ჩემს მდგომარეობას”…
„მე არ ვიცნობ ისტორიაში ასეთ მაგალითს, რომ რომელიმე ქვეყნის ხელისუფალს თავისი მოწინააღმდეგის ვიზუალის და ხმის ასე ეშინოდეს”…
TV-პირველი
„ნოდარ მელაძის შაბათის” ანონსიდან. გადაცემა გავა შაბათს, 20:00 საათზე.